Առողջապահության նախարարության բյուջեն կավելանա ավելի քան 44 մլրդ դրամով

Կառավարությունն առողջապահության նախարարության 2026-ի բյուջեն ավելացնում է 44 մլրդ 313 մլն դրամով՝ պայմանավորված առողջության համընդհանուր ապահովագրության համակարգի ներդրմամբ: 

«Արմենպրես»-ի փոխանցմամբ՝ այս մասին ասաց ֆինանսների նախարար Վահե Հովհաննիսյանն ԱԺ մշտական հանձնաժողովների համատեղ նիստում « ՀՀ 2026թ պետական բյուջեի մասին» օրենքի նախագծի նախնական քննարկումներում:

«2026 թվականին նախատեսել ենք 44 մլրդ 313 մլն դրամով ավելի, քան 2025 թվականին: 2026-ի բյուջեն կկազմի 210 մլրդ 911 մլն դրամ: Այս ուղղությամբ ավելացումները գրեթե ամենամեծն են: 2026-ին բոլոր նախարարություններից ամենամեծ ավելացումներն ունենք առողջապահության նախարարության գծով, որը պայմանավորված է հաջորդ տարի առողջության համընդհանուր ապահովագրության համակարգի ներդրման հանգամանքով»,-ասաց Հովհաննիսյանը: