368.59
Ճապոնիան չի հրաժարվի Ուկրաինային աջակցելուց և ՌԴ-ի դեմ պատժամիջոցներից. արտգործնախարար
1 րոպեի ընթերցում
Ճապոնիայի նոր կառավարությունը՝ Սանաե Տակաիչիի գլխավորությամբ, կշարունակի բազմակողմանի աջակցություն ցուցաբերել Ուկրաինային և խստացնել պատժամիջոցները Ռուսաստանի նկատմամբ։ Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտարարել է Ճապոնիայի արտաքին գործերի նախարարության նոր ղեկավար Տոսիմիցու Մոտեգին նշանակումից հետո իր առաջին մամուլի ասուլիսում։
«Ինչ վերաբերում է Ուկրաինային, ապա մենք կշարունակենք աջակցել նրան ամենատարբեր ձևերով և երկարատև խաղաղության հասնելուց հետո կօգնենք վերականգնման ու զարգացման գործում։ Մյուս կողմից, շուտափույթ հրադադարի համար մենք կշարունակենք վճռական գործողություններ ձեռնարկել Ռուսաստանի նկատմամբ, ներառյալ պատժամիջոցների սահմանումը. դա մեր բազային դիրքորոշումն է», - ասել է նա:
Մոտեգին Ճապոնիայի արտգործնախարարի պաշտոնը զբաղեցրել է նաև 2019-ից մինչև 2021 թվականը։
Բաժանորդագրվեք մեր ալիքին Telegram-ում