1 րոպեի ընթերցում
Ռուսաստանի ֆուտբոլի առաջնության 12-րդ տուրում գործող չեմպիոն «Կրասնոդար»-ն արտագնա խաղում մրցեց Մախաչկալայի «Դինամո»-ի հետ:
«Արմենպրես»-ի հաղորդմամբ` առաջին կեսի վերջնամասում` 43-րդ րոպեին, Հայաստանի ֆուտբոլի ազգային թիմի կիսապաշտպան Էդուարդ Սպերցյանը գրավեց «Դինամո»-ի դարպասը` խփելով իր հոբելյանական` 50-րդ գնդակը «Կրասնոդար»-ի կազմում: Ռուսաստանի գործող չեմպիոնին հաջողվեց նաև երկրորդ անգամ գրավել մրցակցի դարպասն արդեն 80-րդ րոպեին:
«Դինամո-Մախաչկալա»-«Կրասնոդար»` 0:2:
Այս հաղթանակի շնորհիվ «Կրասնոդար»-ը ռուսական Պրեմիեր լիգայի մրցաշարային աղյուսակի առաջատարն է: Թիմն ունի 26 միավոր: 24 միավորով երկրորդ տեղում ԲԿՄԱ-ն է: