368.52
ՀՀ ԱԳՆ գլխավոր քարտուղարը և «Իրանագիտություն» հիմնադրամի ղեկավարը մտքեր են փոխանակել տարածաշրջանային վերջին զարգացումների շուրջ
1 րոպեի ընթերցում
ՀՀ ԱԳ նախարարության գլխավոր քարտուղար Դավիթ Կարապետյանը հոկտեմբերի 13-ին Թեհրանում հանդիպում է ունեցել «Իրանագիտություն» հիմնադրամի ղեկավար Ալի Աքբար Սալեհի հետ:
Ինչպես «Արմենպրես»-ին տեղեկացրին ՀՀ արտաքին գործերի նախարարությունից, զրուցակիցները մտքեր են փոխանակել տարածաշրջանային վերջին զարգացումների շուրջ։ Դավիթ Կարապետյանը ներկայացրել է օգոստոսի 8-ին Վաշինգտոնում ձեռք բերված համաձայնությունները՝ ընդգծելով տարածաշրջանում խաղաղության և կայունության հաստատման կարևորությունը:
Ալի Աքբար Սալեհը ողջունել է Հայաստանի և Ադրբեջանի միջև Խաղաղության համաձայնագրի նախաստորագրումը և Հարավային Կովկասում կայունության հաստատմանն ուղղված ջանքերը: Այս համատեքստում կարևորվել են տարածաշրջանային հաղորդակցությունների ապաշրջափակումն ու դրա արդյունքում ընձեռնվելիք հնարավորությունները:
Ըստ աղբյուրի՝ քննարկվել են երկու երկրների փորձագիտական համայնքների միջև փոխգործակցության ակտիվացման հեռանկարները, ինչպես նաև տնտեսական և գիտակրթական ոլորտներում համագործակցությանն առնչվող նախաձեռնությունների կյանքի կոչմանն ու դրանց իրականացմանը միտված ջանքերը:
Բաժանորդագրվեք մեր ալիքին Telegram-ում