Թրամփը Ուիթքոֆին խնդրել է կենտրոնանալ ռուս-ուկրաինական հակամարտության կարգավորման վրա

ԱՄՆ նախագահ Դոնալդ Թրամփը Քնեսեթում իր ելույթում դիմել է Մերձավոր Արևելքի հարցերով ԱՄՆ հատուկ բանագնաց Սթիվ Ուիթքոֆին՝ խնդրելով հետագայում կենտրոնանալ ռուս-ուկրաինական հակամարտության կարգավորման վրա։ «Արմենպրես»-ի փոխանցմամբ՝ այս մասին հաղորդում է «Ինտերֆաքս»  գործակալությունը:

«Եթե դու դեմ չես, Սթիվ, ապա արի նախ կենտրոնանանք Ռուսաստանի վրա», - հայտարարել է Թրամփը։

Ուիթքոֆը վերջին ամիսներին, բացի մերձավորարևելյան հակամարտության կարգավորման վրա աշխատելուց, ռուս-ուկրաինական հակամարտության կարգավորման հարցի շուրջ բազմիցս շփվել է ռուսական կողմի հետ։