1 րոպեի ընթերցում
Ազգային ժողովի ֆինանսավարկային և բյուջետային հարցերի մշտական հանձնաժողովը հոկտեմբերի 13-ի նիստում քննարկել է Կենտրոնական բանկի խորհրդի անդամի պաշտոնում նոր թեկնածուի հարցը։ «Արմենպրես»-ի հաղորդմամբ՝ համաձայն «Ազգային ժողովի կանոնակարգ» սահմանադրական օրենքի 145-րդ հոդվածի՝ «Քաղաքացիական պայմանագիր» խմբակցությունն առաջադրել է Արմեն Մամիկոնի Քթոյանի թեկնածությունը։
Պատգամավոր Արուսյակ Մանավազյանը ներկայացրել է Քթոյանի կենսագրությունը և աշխատանքային գործունեությունը։
Ելույթում թեկնածուն անդրադարձել է դրամավարկային քաղաքականության հիմնական ուղղություններին, ֆինանսական և բանկային համակարգերի կայունությանը, ինչպես նաև ներկայացրել է առաջացած մարտահրավերների լուծման իր տեսլականը։
Քթոյանը նշել է, որ պատրաստ է նպաստել ԿԲ օրակարգում նոր գերակայությունների ձևավորմանը։
Թեկնածուն պատասխանել է պատգամավորների հարցերին՝ անդրադառնալով փոխարժեքի տատանումների և դրամավարկային քաղաքականության թեմաներին։
Քվեարկության արդյունքում հանձնաժողովը որոշել է ՀՀ Կենտրոնական բանկի խորհրդի անդամի պաշտոնում Ազգային ժողովին առաջարկել Արմեն Մամիկոնի Քթոյանի թեկնածությունը։