1 րոպեի ընթերցում
Պաղեստինյան ՀԱՄԱՍ շարժումը հայտարարել է, որ Եգիպտոսի Շարմ էշ Շեյխ քաղաքում Իսրայելի հետ անուղղակի բանակցությունների շրջանակում միմյանց են փոխանցվել փոխանակման ենթակա անձանց ցուցակները։
Ինչպես «Արմենպրես»-ը տեղեկանում է «ՌԻԱ Նովոստի» գործակալությունից, այդ մասին հոկտեմբերի 8-ին հայտարարել է շարժման ներկայացուցիչ Թահեր ան Նունուն։
«Այսօր տեղի է ունեցել այն գերիների ցուցակների փոխանակում, որոնց պահանջվում է ազատ արձակել համաձայնեցված մեխանիզմներին և թվաքանակին համապատասխան», - ասվում է հայտարարության մեջ։
Շարմ էլ Շեյխում կողմերի միջև անուղղակի բանակցություններ են ընթանում հոկտեմբերի 6-ից։