Գեղարքունիքի մարզպետն ընդունել է Հայաստանում Նիդեռլանդների դեսպանին

Գեղարքունիքի մարզպետ Կարեն Սարգսյանը հյուրընկալել է Հայաստանում Նիդեռլանդների թագավորության արտակարգ և լիազոր դեսպան Մարիկե Հարիետ Մոնրոյ-Վինթերին։

«Արմենպրես»-ի թղթակցին Գեղարքունիքի մարզպետի աշխատակազմից հայտնեցին, որ հանդիպման ընթացքում Կարեն Սարգսյանը ներկայացրել  է մարզում ընթացող ծրագրերը, որոնք իրականացվում  են դպրոցաշինության, առողջապահության,  ճանապարհաշինության,  ոռոգման և խմելու ջրամատակարարման  համակարգերի կառուցման և արդիականացման, գյուղատնտեսության , ջերմոցաշինության, վերականգնվող էներգիայի և տուրիզմի ոլորտներում։

Դեսպան Մոնրոյ-Վինթերն ընդգծել է, որ պատրաստ է աջակցել գործարար կապերի ստեղծմանն ու ամրապնդմանը։

Կողմերը հայտնել  են համագործակցության զարգացման ու խորացման պատրաստակամություն։