ՀՀ ԿԳՄՍ նախարարը կրկին տեղում հետևել է Հայոց ցեղասպանության հուշահամալիրի հիմնանորոգման աշխատանքներին
1 րոպեի ընթերցում
Հայաստանի կրթության, գիտության, մշակույթի և սպորտի նախարար Ժաննա Անդրեասյանը հերթական այցն է կատարել Հայոց ցեղասպանության հուշահամալիր և թանգարան-ինստիտուտ՝ տեղում հետևելու իրականացվող հիմնանորոգման և բարեկարգման աշխատանքների ընթացքին։
«Արմենպրես»-ի փոխանցմամբ՝ ԿԳՄՍ նախարարության տարածած հաղորդագրության մեջ ընդգծվում է, որ այցի ընթացքում Ժաննա Անդրեասյանը հանդիպել է շինարարական աշխատանքներն իրականացնող կապալառու կազմակերպության պատասխանատուների հետ, որոնք ներկայացրել են կատարված աշխատանքների ընթացքը և հետագա գործողությունների պլանը։
Նշվել է, որ շինաշխատանքներն ընթանում են ըստ նախանշված գրաֆիկի․ թանգարանի և վարչական մասնաշենքի տանիքների ջրահեռացման համակարգերի վերանորոգման և ամրակայման, ինչպես նաև հուշահամալիրի հարակից տարածքի կանաչապատման և բարեկարգման ուղղությամբ առաջընթաց է արձանագրվել։
Ժաննա Անդրեասյանը կարևորել է իրականացվող աշխատանքների բարձր որակը և մասնագետների պատասխանատու մոտեցումը՝ ընդգծելով, որ նախագծի բոլոր փուլերում անհրաժեշտ է պահպանել սահմանված ժամկետները և ապահովել աշխատանքների արդյունավետությունը։