365.93
Վաղ հայտնաբերման դեպքում կրծքագեղձի քաղցկեղն ամբողջովին բուժելի է. Առողջապահության նախարարություն
1 րոպեի ընթերցում
Կրծքագեղձի քաղցկեղի վաղ հայտնաբերման դեպքում այն ամբողջովին բուժելի է: «Արմենպրես»-ի փոխանցմամբ՝ այս մասին հայտնում են Հայաստանի Հանրապետության առողղջապահության նախարարությունից՝ հիշեցնելով, որ հոկտեմբերը համարվում է կրծքագեղձի քաղցկեղի դեմ պայքարի ամիս:
«Հայաստանում, ինչպես ամբողջ աշխարհում, կանանց շրջանում կրծքագեղձի քաղցկեղն ամենատարածված քաղցկեղն է:
Սքրինինգային ծրագրերի ներդրման շնորհիվ` մեր երկրում վերջին տարիներին 10%-ով կրճատվել է կրծքագեղձի քաղցկեղի արդեն 4-րդ փուլ հասած դեպքերի հայտնաբերելիությունը:
Վաղ հայտնաբերման դեպքում այն ամբողջովին բուժելի է»,- հայտնում են նախարարությունից՝ ընդգծելով, որ կրծքագեղձի չարորակ նորագոյացության դեպքում վիրահատությունը, ճառագայթային թերապիան, ինչպես նաև որոշ թանկարժեք դեղեր տրամադրվում են պետական պատվերի շրջանակում:
Նախարարությունից խորհուրդ են տալիս բոլոր կանանց ուշադրություն դարձնել իրենց առողջությանը և հետևել ներքոնշյալ քայլերին.
- Անցկացնել կանոնավոր զննություններ
- Իմանալ ինքնազննման քայլերը
- Խրախուսել մտերիմներին անցնել ստուգումներ:
Բաժանորդագրվեք մեր ալիքին Telegram-ում