ԱԺ պատվիրակությունը Լյուբլյանայում կմասնակցի ՆԱՏՕ-ի խորհրդարանական վեհաժողովի տարեկան նստաշրջանին
1 րոպեի ընթերցում
Հայաստանի Ազգային ժողովի պատվիրակությունը հոկտեմբերի 9-13-ը կմասնակցի ՆԱՏՕ-ի խորհրդարանական վեհաժողովի տարեկան նստաշրջանին, որը կանցկացվի Սլովենիայի մայրաքաղաք Լյուբլյանայում։
«Արմենպրես»-ն այս մասին տեղեկացավ Ազգային ժողովի կայքէջից։
Լյուբլյանա գործուղվել են ՆԱՏՕ ԽՎ-ում ԱԺ պատվիրակության ղեկավար, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, պատվիրակության անդամներ՝ պատգամավորներ Արուսյակ Ջուլհակյանն ու Վահագն Ալեքսանյանը, ինչպես նաև պատվիրակության քարտուղար, ԱԺ աշխատակազմի արտաքին կապերի վարչության խորհրդատու Զաբելա Ղազարյանը։