Արտաքին հետախուզական ծառայությունը նոր շենք կունենա

Կառավարությունը նոր շենքի ձեռքբերման համար միջոցներ հատկացրեց Հայաստանի Հանրապետության արտաքին հետախուզության ծառայությանը։

«Արմենպրես»-ի հաղորդմամբ՝ որոշումը ընդունվեց կառավարության սեպտեմբերի 11-ի հերթական նիստում։

Որոշման նախագծով առաջարկվում է «Արտաքին հետախուզության ծառայության շենքային պայմանների ապահովում» միջոցառման համար ուղղել շուրջ 2 մլրդ 260 մլն դրամ, որը կձևավորվի պետական բյուջեի այլ հոդվածներից ֆինանսական միջոցների վերաբաշխման արդյունքում։ 

Փոփոխությունը պայմանավորված է ծառայության բնականոն գործունեության ապահովման անհրաժեշտությամբ։