Քրեական ոստիկանության Երևան քաղաքի վարչության թմրամիջոցների ապօրինի շրջանառության դեմ պայքարի բաժնի ծառայողների օրեր տևած ծավալուն միջոցառումների արդյունքում ձերբակալվել են մայրաքաղաքի Մարգարյան փողոցի բնակիչ 25-ամյա և Ֆուչիկի փողոցի բնակիչ 29-ամյա տղամարդիկ, որոնք վերջինիս վարած մեքենայով հանդերձ տեղափոխվել են վարչություն:

«Արմենպրես»-ի փոխանցմամբ՝ այս մասին հայտնում են ՆԳՆ ոստիկանությունից:

Վարորդի խուզարկությամբ հայտնաբերվել են թմրամիջոցի հետքերով ապակյա գլանակ ու կաթուցիչ, ինչպես նաև մեթամֆետամինի զանգվածներ:

Դատարանի որոշմամբ խուզարկվել է նաև Ֆուչիկի փողոցի 29-ամյա բնակչի ավտոմեքենան. բեռնախցիկում հայտնաբերվել է կպչուն ժապավենով փաթեթավորված մեկ կիլոգրամից ավելի մարիխուանա:

Երիտասարդը կալանավորվել է։

Նախաքննությամբ հանգամանքները պարզվում են:

Ոստիկանները 29–ամյա քաղաքացու ավտոմեքենայի բեռնախցիկում հայտնաբերել են 1 կգ–ից ավելի մարիխուանա