1 րոպեի ընթերցում
Իրանի արտաքին գործերի նախարար Աբբաս Արաղչին օգոստոսի 22-ին ավելի ուշ հեռախոսազրույց կունենա Մեծ Բրիտանիայի, Գերմանիայի և Ֆրանսիայի արտաքին գործերի նախարարների հետ՝ քննարկելու հակաիրանական պատժամիջոցների վերացման հարցը: «Արմենպրես»-ի փոխանցմամբ՝ այս մասին հաղորդում է IRNA գործակալությունը՝ հղում անելով Իրանի ԱԳՆ ներկայացուցիչ Էսմայիլ Բաղայիին։
Բացի այդ, ըստ պաշտոնյայի՝ կքննարկվի Իրանի միջուկային օբյեկտներին վերջերս հասցված հարվածներին արձագանքելու անհրաժեշտությունը։
Հունիսին Իսրայելը հարվածներ էր հասցրել Իրանին՝ հայտարարելով, թե նպատակ ունի ոչնչացնել իրանական միջուկային ծրագիրը։ Ի պատասխան՝ Իրանը հարվածներ է հասցրել Իսրայելին։
Հունիսի 22-ին Միացյալ Նահանգները հարվածներ է հասցրել Իրանի երեք միջուկային օբյեկտներին Ֆորդոյում, Սպահանում և Նաթանզում։ Դրանից հետո ԱՄՆ նախագահ Դոնալդ Թրամփը հայտարարեց կողմերի միջև հրադադարի մասին՝ նշելով, որ ամերիկյան հարվածները ոչնչացրել են միջուկային զենք ստեղծելու՝ Իրանի հնարավորությունները։