368.59
Թուրքիայում ավերիչ երկրաշարժ է գրանցվել
1 րոպեի ընթերցում
Թուրքիայի Բալըքեսիր նահանգի Սընդըրգը շրջանում գրանցված 6.1 մագնիտուդ ուժգնությամբ երկրաշարժի հետևանքով ավերվել է մի ամբողջ թաղամաս։
Ինչպես հաղորդում է «Արմենպրես»֊ը, այս մասին հայտնում են թուրքական ԶԼՄ֊ները։
Սընդըրգըի քաղաքապետ Սերքան Սաքի խոսքով՝ մոտ տասը մասնավոր շինություն է փլուզվել, և փրկարարները շարունակում են ստուգել վնասված շենքերը:
«Սընդըրգըում տասը շենք է ավերվել։ Որոշ շրջանների հետ կապ չկա», - ասել է քաղաքապետը։
Սաքը մանրամասնել է, որ փլուզված տներից մեկում ապրել է վեց մարդ։ Չորսը հայտնաբերվել և փրկվել են,մյուս երկուսի որոնումները շարունակվում են։
Նրա խոսքով՝ այդ շրջանում բջջային օպերատորները չեն աշխատում, և գյուղեր մուտք գործելը դժվարացել է։
Թուրքիայի նախագահ Ռեջեփ Թայիփ Էրդողանը նույնպես անդրադարձել է գրանցված երկրաշարժին։
«Մաղթում եմ համբերություն և շուտափույթ ապաքինում մեր բոլոր քաղաքացիներին, որոնք փրկվել են Բալըքեսիրում և հարակից շրջաններում տեղի ունեցած երկրաշարժից։ Առաջին իսկ րոպեներից բոլոր համապատասխան կառույցները սկսել են միջոցներ ձեռնարկել։ Մենք նաև ուշադիր հետևում ենք աշխատանքների ընթացքին», - ասել է Էրդողանը։
Բաժանորդագրվեք մեր ալիքին Telegram-ում