1 րոպեի ընթերցում
Ռուսաստանը պատրաստ է զարգացնել Վրաստանի հետ առողջ պրագմատիկ գործակցությունը, որտեղ դա շահավետ է երկու կողմերի համար: «Արմենպրես»-ի փոխանցմամբ՝ այս մասին «Իզվեստիա»-ին հայտնել է Ռուսաստանի Դաշնության արտաքին գործերի փոխնախարար Միխայիլ Գալուզինը:
«Մենք մնում ենք Վրաստանի հետ առողջ պրագմատիկ գործակցության զարգացման դիրքում այնտեղ, որտեղ դա շահավետ է երկու կողմի համար, և պատրաստ ենք ընթանալու Թբիլիսիի հետ երկկողմ կարգավորման ուղով: Այնպես որ, ընդհանուր առմամբ, խնդիրն այն է, որ Թբիլիսին կողմնորոշվի իր հետագա գործողությունների հարցում», - ասել է նա:
2025 թ. ապրիլին Վրաստանի վարչապետ Իրակլի Կոբախիձեն Անթալիայի դիվանագիտական համաժողովում հայտարարել է, որ հանրապետությունը հետևում է Ռուսաստանի հետ հարաբերությունների խաղաղ տեսլականին՝ չնայած գոյություն ունեցող տարածքային հարցերին: