Հայաստանում սեպտեմբերի 15-ից մինչև դեկտեմբերի 15-ը կանցկացվեն պահեստազորայինների վարժական հավաքներ
1 րոպեի ընթերցում
Հայաստանի կառավարությունը պահեստազորայինների վարժական նոր հավաքներ անցկացնելու որոշում է ընդունել։
«Արմենպրես»-ի փոխանցմամբ՝ կառավարությունն օգոստոսի 7-ի նիստում հավանություն տվեց պահեստազորի առաջին խմբի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների վարժական հավաքներ անցկացնելու որոշման նախագծին։
Վարժական հավաքները կանցկացվեն 2025 թվականի սեպտեմբերի 15-ից մինչև դեկտեմբերի 15-ը ներառյալ:
Վարժական հավաքները հայտարարվում են պահեստազորում հաշվառված քաղաքացիների ռազմական ունակությունների կատարելագործման, մասնագիտական վերապատրաստման, մասնագիտական պատրաստման, բարձրագույն կրթություն ունեցող ենթասպայական կազմից պահեստազորի սպաների պատրաստման նպատակով: