1 րոպեի ընթերցում
Երևանի Շենգավիթ վարչական շրջանի համար 138 մանկապարտեզի նոր շենքի կառուցման և բակի բարեկարգման աշխատանքներն ավարտական փուլում են։
«Արմենպրես»-ի հաղորդմամբ՝ այս մասին Երևանի քաղաքապետարանի գործակարգավարական խորհրդակցությանը հայտնեց Շինարարության և բարեկարգման վարչության պետի ժամանակավոր պաշտոնակատար Անդրանիկ Թևոսյան։
«Շենքի շինարարական աշխատանքներն իրականացվում են Երևանի էներգաարդյունավետության ծրագրի շրջանակում։ Մանկապարտեզը բաղկացած է 6 խմբից՝ ամբողջությամբ համալրված հակահրդեհային, արևային ֆոտովոլտային, օդափոխության համակարգերով։ Մանկապարտեզն ամբողջությամբ շահագործման կհանձնվի ընթացիկ տարվա սեպտեմբերին»,-մանրամասնեց Թևոսյանը։