1 րոպեի ընթերցում
Հնդկաստանի վարչապետ Նարենդրա Մոդին գրանցել է ևս մեկ քաղաքական նվաճում՝ գերազանցելով Ինդիրա Գանդիի ռեկորդը և դառնալով Հնդկաստանի երկրորդ ամենաերկար պաշտոնավարող վարչապետը մեկ անընդմեջ ժամկետով։ «Արմենպրես»-ի փոխանցմամբ՝ այս մասին հայտնում է India Today պարբերականը։
2025 թվականի հուլիսի 25-ին լրացել է վարչապետ Մոդիի պաշտոնավարման 4078 օրը, որով նա գերազանցել է Ինդիրա Գանդիի 4077-օրյա անընդմեջ պաշտոնավարման ժամկետը (1966 թ. հունվարից մինչև 1977 թ. մարտը)։
Այս նվաճմամբ Մոդին դարձել է անկախ Հնդկաստանի պատմության մեջ երկրորդ ամենաերկար ծառայած վարչապետը՝ զիջելով միայն երկրի առաջին կառավարության ղեկավար Ջավահառլալ Ներուին։
Սկսած 2001 թվականին Գուջարաթի գլխավոր նախարարի պաշտոնից, վարչապետ Մոդին ղեկավարել է ընտրված կառավարություններ թե՛ նահանգային, թե՛ ազգային մակարդակով գրեթե 24 տարի, ինչն անգերազանցելի է Հնդկաստանի որևէ այլ վարչապետի համար։
2014 թվականից Մոդին զբաղեցնում է Հնդկաստանի վարչապետի պաշտոնը:
Նա ծնվել է Հնդկաստանի անկախությունից հետո և մնում է ոչ հինդի լեզվով խոսող պետության ամենաերկար ծառայած վարչապետը։