1 րոպեի ընթերցում
«Տաշիր» ընկերությունների խմբի հիմնադիր Սամվել Կարապետյանին ներկայացվել է նոր մեղադրանք՝ մի շարք ընկերությունների գործունեության հետևանքով փողերի լվացման հատկանիշներով։
«Արմենպրես»-ի հաղորդմամբ՝ այս մասին հայտարարություն է տարածել գործարարի պաշտպանական խորհուրդը։
Պաշտպանական կողմը մեղադրանքը որակում է «ակնհայտ անհիմն»։
Սամվել Կարապետյանի նկատմամբ քրեական վարույթ է հարուցվել նաև ՀՀ Քրեական օրենսգրքի 472-րդ հոդվածի 3-րդ մասի 1-ին կետով՝ իշխանությունը զավթելու հրապարակային կոչեր հնչեցնելու հատկանիշներով։ Քննչական կոմիտեն հայտարարել էր, որ Կարապետյանը զանգվածային լրատվամիջոցի միջոցով հնչեցրել է հայտարարություններ, որոնք միտված են եղել «ՀՀ Սահմանադրությամբ չնախատեսված եղանակով կառավարության լիազորություններին տիրանալուն»։
Սամվել Կարապետյանը կալանավորվել է 2025 թվականի հունիսի 18-ին։ Նա չի ընդունում իրեն առաջադրված մեղադրանքները։