Արայիկ Հարությունյանը նշանակվել է Ծանրամարտի միջազգային ֆեդերացիայի նախագահի խորհրդական

Հայաստանի ծանրամարտի ֆեդերացիայի նախագահ Արայիկ Հարությունյանը նշանակվել է Ծանրամարտի միջազգային ֆեդերացիայի նախագահ Մուհամադ Ջալուդի խորհրդական: «Արմենպրես»-ի հաղորդմամբ՝ այս մասին տեղեկացրեցին Հայաստանի ծանրամարտի ֆեդերացիայի մամուլի ծառայությունից։

«Պատմության մեջ առաջին անգամ Հայաստանը ներկայացուցիչ ունի Ծանրամարտի միջազգային ֆեդերացիայում»,- նշեցին Հայաստանի ծանրամարտի ֆեդերացիայի մամուլի ծառայությունից։

«Սա, առաջին հերթին, գնահատական է Հայաստանի ծանրամարտի, բայց նաև վերջին տարիներին սպորտում և ծանրամարտում ՀՀ կառավարության քաղաքականության և ներդրումների: Սա մեծ գնահատական է մեր աշխատանքի, որը ծառայելու է բացառապես Հայաստանի ծանրամարտի և սպորտի համար»,-ընդգծել է Արայիկ Հարությունյանը։