368.06
Ծաղկաշեն բնակավայրում բազմաֆունկցիոնալ շինություն է կառուցվում
1 րոպեի ընթերցում
Գեղարքունիքի մարզի Գավառ համայնքի Ծաղկաշեն գյուղում շուրջ մեկ ամիս է, ինչ մեկնարկել և ընթացքի մեջ են գտնվում բազմաֆունկցիոնալ շենքի կառուցման աշխատանքները։
Ինչպես «Արմենպրես»-ին տեղեկացրին Գավառի համայնքապետարանի աշխատակազմից, շենքը կառուցվում է Ծաղկաշենի գյուղապետարանի նախկին շենքի տարածքում, որի քանդման աշխատանքներն արդեն ավարտվել են:
Շինությունը լինելու է վարչական ղեկավարի նստավայր, ինչպես նաև ծառայելու է որպես երեխաների և երիտասարդների ժամանցի կազմակերպման համար նախատեսված տարածք։
Բազմաֆունկցիոնալ շենքի կառուցման ծրագրի արժեքը կազմում է 200 միլիոն դրամ, որը հատկացվում է Գավառ համայնքի բյուջեի միջոցներից։
Արդեն ավարտվել են հին շենքի քանդման աշխատանքները, ընթանում է նոր շենքի հիմքերի կառուցումը։
Բաժանորդագրվեք մեր ալիքին Telegram-ում