Կայացել է Գեղարքունիքի մարզային զորակոչային հանձնաժողովի հերթական նիստը

Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանն անցկացրել է  մարզային զորակոչային հանձնաժողովի հերթական նիստը, որին մասնակցել են զորակոչային հանձնաժողովի բոլոր անդամները։ 

Ինչպես «Արմենպրես»-ին տեղեկացրին Գեղարքունիքի մարզպետի աշխատակազմից, օրակարգում քննարկվել են  ամառային զորակոչի ընթացքին վերաբերող հարցեր, որից հետո ՀՀ ՊՆ Զ և ԶՀԾ Գեղարքունիքի մարզային ստորաբաժանման կողմից ներկայացվել են  հանրակրթական ուսումնական հաստատությունների ավարտական դասարաններում և քոլեջներում սովորող անձանց տարկետմանը վերաբերող հարցեր, որոնց հետ կապված հանձնաժողովը տվել է  համապատասխան եզրակացություններ։ 

Հանձնաժողովը քննարկել է նաև  զորակոչի աշխատանքներին ներգրավված կազմակերպությունների փոխգործակցության արդյունքները, որոնց վերաբերյալ մարզպետը տվել է  համապատասխան հանձնարարականներ։ 

Նիստի ընթացքում քննարկվել են  նաև վարժական հավաքներին վերաբերող հարցեր։