Գանձակում ոռոգման ջրատար է կառուցվում

Գեղարքունիքի մարզի Գավառ համայնքի Գանձակ գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում սկսվել և ընթանում են ոռոգման ջրատարի կառուցման աշխատանքները։

 Ինչպես «Արմենպրես»-ին տեղեկացրին Գավառի համայնքապետարանի աշխատակազմից, Գանձակի ոռոգման ջրատարի կառուցման ծրագրի պայմանագրային արժեքը կազմում է 25 միլիոն դրամ, որի 75 տոկոսը հատկացնում է ՀՀ կառավարությունը, 25 տոկոսը՝ Գավառի համայնքապետարանը։ 

Ծրագրով նախատեսված է ոռոգման ջրատարի կառուցում՝ 2 կիլոմետր երկարությամբ, մետաղական խողովակներով։ 

Շինարարական աշխատանքները մեկնարկել են 2025 թվականի մայիսին, կավարտվեն այս տարվա ընթացքում։

Ծրագրի իրականացման արդյունքում Գանձակում ոռոգելի կդառնա 250 հեկտար տնամերձ հողամաս։ 

Ծրագրից կօգտվի շուրջ 250 տնտեսություն։