Վանաձորի նախկին քաղաքապետ Սամվել Դարբինյանը ձերբակալվել է

Հայաստանի քննչական կոմիտեի նախաձեռնած քրեական վարույթի շրջանակում իրավապահները ձերբակալել են Վանաձորի նախկին քաղաքապետ Սամվել Դարբինյանին, նրա եղբորը և ևս երկու անձի։  

«Արմենպրես»-ի հետ զրույցում այս մասին հայտնեց ՀՀ քննչական կոմիտեի նախագահի մամուլի քարտուղար Կիմա Ավդալյանը։

«ՀՀ քննչական կոմիտեում նախաձեռնված քրեական վարույթի նախաքննության ընթացքում 5 անձի նկատմամբ հարուցվել է հանրային քրեական հետապնդում՝ Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերով (իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով առանձնապես խոշոր չափերով փողերի լվացումը): 4 անձ ձերբակալվել է»,- ասաց Ավդալյանը։