1 րոպեի ընթերցում
Իսրայելի զբոսաշրջության նախարարությունը հայտնել է, որ պատրաստ է աջակցել երկրում գտնվող զբոսաշրջիկներին՝ հատուկ կազմակերպված թռիչքների միջոցով երկրից դուրս գալու հարցում:
«Արմենպրես»-ի փոխանցմամբ՝ այս մասին հայտնում է The Times of Israel-ը՝ նշելով, որ այդ նպատակով նախարարությունը ստեղծում է թվային գրանցման ձև, որն ուղարկվում է մուտքային զբոսաշրջություն կազմակերպողներին, հյուրանոցներին, գիդերին և զբոսաշրջության ոլորտի այլ մասնագետներին:
Ըստ աղբյուրի՝ զբոսաշրջության նախարարությունը կուղղորդի և անհրաժեշտության դեպքում կհանձնի գրանցված զբոսաշրջիկների ցանկը Իսրայելի Ազգային անվտանգության խորհրդին և Տրանսպորտի նախարարությանը՝ ավիաընկերությունների հետ թռիչքների համակարգման նպատակով, որպեսզի հեշտացվի զբոսաշրջիկների դուրսբերումը երկրից:
Նախարարության տվյալներով՝ ներկայումս Իսրայելում գտնվում է մոտ 38,000 զբոսաշրջիկ։