Իրանում նավթաքիմիական համալիրում հրդեհի հետևանքով զոհվել է 3, վիրավորվել՝ 10 մարդ

Իրանի հարավում գտնվող Բուշեհրի նահանգի Բանդար Դայեր քաղաքի «Քավեհ» նավթաքիմիական համալիրի մեթանոլի պահեստում բռնկված հրդեհի հետևանքով զոհվել է 3, վիրավորվել՝ ևս 10 մարդ։ Ինչպես «Արմենպրես»-ը տեղեկանում է IRNA լրատվական գործակալությունից, այս մասին հայտնել է Իրանի Բուշեհրի նահանգի նախահիվանդանոցային շտապ օգնության ծառայության ղեկավար Հասան Մուսավին։ 

Մուսավիի խոսքով՝ միջադեպը տեղի է ունեցել տեղական ժամանակով ժամը 11:00-ի սահմաններում։

Նա նաև նշել է, որ խոշոր հրդեհի պատճառով զոհերի թիվը կարող է աճել, վիրավորները տեղափոխվել են հիվանդանոց։