1 րոպեի ընթերցում
Կուրբան Բայրամ տոնի առաջին օրը Թուրքիայում բժիշկներին են դիմել զոհաբերվող կենդանիներին մորթելիս վնասվածքներ ստացած շուրջ 14 հազար քաղաքացիներ: «Արմենպրես»-ի հաղորդմամբ՝ այս մասին X սոցիալական ցանցում կատարած գրառմամբ տեղեկացրել է երկրի առողջապահության նախարար Քեմալ Մեմիշօղլուն։
«Տոնի առաջին օրը կենդանիների զոհաբերելիս ստացած վերքերով հիվանդանոցներ է դիմել 14 հազար 372 մարդ, որոնցից 1049-ը՝ Անկարայում, 753-ը՝ Ստամբուլում և 655-ը՝ Կոնիայում»,-հայտնել է նախարարը։
Նախորդ տարի այս տոնի առաջին օրը վնասվածքներ էր ստացել 16 հազար հոգի: Թուրքիայում տոնակատարությունը նշվելու է մինչև հունիսի 10-ը: Մինչ այդ, սոցցանցերում հրապարակվում են բազմաթիվ տեսանյութեր այն մասին, թե կենդանիներն ինչպես են փախչում իրենց մորթել ցանկացողներից: