Վերջին զանգի մասնակիցների 217  ավտոմեքենա տեղափոխվել է պահպանվող հատուկ տարածք. 127-ի ղեկին եղել են անչափահասներ

ՀՀ մայրաքաղաքում և մարզերում, մայիսի 23-ի ժամը 17.00-ի դրությամբ, պահպանվող հատուկ տարածքներ է տեղափոխվել Վերջին զանգի միջոցառումների մասնակից անձանց 217 տրանսպորտային միջոց, որոնցից 127-ի ղեկին եղել են անչափահասներ: «Արմենպրես»-ին այս մասին տեղեկացրին ՀՀ ներքին գործերի նախարարության ոստիկանությունից։

«Կրկին հորդորում ենք զերծ մնալ ավտոմեքենաները երեխաներին վստահելուց․ յուրաքանչյուր դեպք առաջացնելու է իրավական հետևանք»,- ասվում է հաղորդագրության մեջ։

Ըստ աղբյուրի՝ ուժեղացված հսկողությունը շարունակվում է։