1 րոպեի ընթերցում
Հնդկաստանը և Պակիստանը կքննարկեն զորքերը սահմաններից դուրս բերելու հնարավորությունը։
Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին հաղորդել է ANI-ն` երկու երկրների ռազմական հրամանատարների միջև բանակցություններից հետո։
«Քննարկվել են հարցեր, որոնք կապված են այն պարտավորության շարունակման հետ, ըստ որի՝ երկու կողմերն էլ չպետք է կրակեն կամ միմյանց դեմ որևէ ագրեսիվ և թշնամական գործողություն ձեռնարկեն։ Որոշվել է նաև, որ երկու կողմերն էլ կքննարկեն անհապաղ միջոցառումներ՝ սահմաններին և առաջնագծում զորքերի կրճատումն ապահովելու համար», - գործակալությունը մեջբերում է Հնդկաստանի բանակի հաղորդագրությունը։
Ավելի վաղ հաղորդվել էր, որ Դելին և Իսլամաբադը մտադիր են շարունակել բանակցություններն ապագայում։ Բանակցությունների հաջորդ ամսաթիվը կհայտարարվի շուտով։