1 րոպեի ընթերցում
Հայաստանի ծանրամարտի տղամարդկանց հավաքականի անդամ Գառնիկ Չոլակյանը դարձավ Եվրոպայի առաջնության բրոնզե մեդալակիր:
«Արմենպրես»-ի հաղորդմամբ` Մոլդովայում շարունակվում է ծանրամարտի Եվրոպայի առաջնությունը: Հայաստանի ընտրանու անդամ Գառնիկ Չոլակյանը պոկում վարժությունում միայն մեկ հաջող մոտեցում ունեցավ` բարձրացնելով 124 կգ: Այստեղ նա դարձավ փոքր արծաթե մեդալակիր:
Հրում վարժությունում Չոլակյանը միայն մեկ անգամ բարձրացրեց ծանրաձողը: Նա ֆիքսեց 151 կգ: Երկամարտի 275 կգ արդյունքով Գառնիկ Չոլակյանը դարձավ Եվրոպայի առաջնության բրոնզե մեդալակիր: