Ըմբիշ Կարեն Ասլանյանը դուրս եկավ Եվրոպայի առաջնության եզրափակիչ

Հայաստանի հունահռոմեական ոճի ըմբշամարտի հավաքականի անդամ Կարեն Ասլանյանը կպայքարի Եվրոպայի չեմպիոնի կոչման համար:

«Արմենպրես»-ի հաղորդմամբ` Սլովակիայի մայրաքաղաք Բրատիսլավայում ընթացող հունահռոմեական ոճի ըմբշամարտի Եվրոպայի առաջնության 63 կգ քաշային կարգի կիսաեզրափակիչում Ասլանյանը մրցեց Ուկրաինան ներկայացնող Անդրի Սեմենչուկի հետ և առավելության հասավ 8:0 հաշվով` մոտ երկու րոպեում:

Ավելի վաղ 55 կգ Մանվել Խաչատրյանը 1:5 հաշվով զիջել էր ադրբեջանցի մրցակցին և կպայքարի բրոնզե մեդալի համար:

Քիչ ուշ կիսաեզրափակիչում իր ուժերը կչափի Եվրոպայի առաջնությունների եռակի հաղթող Մալխաս Ամոյանը: