1 րոպեի ընթերցում
Վրաստանի ֆուտբոլի ֆեդերացիան տուգանվել է, իսկ Թբիլիսիի «Դինամո» մարզադաշտը մեկ խաղով որակազրկվել է:
«Արմենպրես»-ի հաղորդմամբ` այս մասին հայտնում է Վրաստանի ֆուտբոլի ֆեդերացիան:
Ազգերի լիգայի Հայաստան-Վրաստան անցումային խաղերի երկրորդ հանդիպման ավարտից հետո երկրպագուների` դաշտ մտնելու, ճայթուկների օգտագործման, ելքերի արգելափակման ու լազերային լույսերի օգտագործման պատճառով Վրաստանի ֆուտբոլի ֆեդերացիան տուգանվել է 40 հազար եվրոյով, իսկ Վրաստանի ֆուտբոլի ազգային թիմն Ազգերի լիգայի նոր մրցաշրջանի առաջին տնային հանդիպումը կանցկացնի առանց հանդիսականների։
Արգելքը չի տարածվում աշխարհի առաջնության ընտրական խաղերի կամ ՖԻՖԱ-ի միջազգային ընկերական խաղերի վրա: