390.33
Գլխավոր դատախազը «Քրեական ենթամշակույթի տարածման կանխարգելումը ՀՀ ԶՈւ»-ում թեմայով վարպետաց դաս է անցկացրել
1 րոպեի ընթերցում
Հայաստանի գլխավոր դատախազ Աննա Վարդապետյանը Պաշտպանության նախարարության Վազգեն Սարգսյանի անվան ռազմական ակադեմիայի պետ Արսեն Մանգասարյանի հրավերով, Ակադեմիայի Ցամաքային զորքերի ինստիտուտի կուրսանտների համար վարպետաց դաս է անցկացրել՝ «Քրեական ենթամշակույթի տարածման կանխարգելումը ՀՀ զինված ուժերում» թեմայով:
«Արմենպրես»-ի փոխանցմամբ՝ այս մասին հայտնում են Գլխավոր դատախազությունից՝ հիշեցնելով, որ առաջին վարպետաց դասը ՀՀ գլխավոր դատախազն անցկացրել էր 2025 թվականի փետրվարի 25-ին Ակադեմիայի Մարշալ Արմենակ Խանփերյանցի անվան ռազմաօդային ուժերի ինստիտուտի կուրսանտների համար:
Կուրսանտների հետ հարցուպատասխանի ձևաչափով անցկացված երկխոսության շրջանակներում Աննա Վարդապետյանն անդրադարձել է Զինված ուժերում հրամանատարական առաջնորդության, կոնֆլիկտների կառավարման և որոշում կայացնելու համար անհրաժեշտ հմտություններին, քրեական ենթամշակույթին բնորոշ վարքագծային մոդելների վերլուծությանը, Զինված ուժերում հանցագործությունների կանխարգելման համար անհրաժեշտ ոչ ստանդարտ լուծումներին:
Բաժանորդագրվեք մեր ալիքին Telegram-ում