Բռնցքամարտն ընդգրկված կլինի Լոս Անջելեսի Օլիմպիական խաղերի ծրագրում

Միջազգային օլիմպիական կոմիտեի որոշմամբ` բռնցքամարտ մարզաձևն ընդգրկված կլինի 2028 թվականի Օլիմպիական խաղերի ծրագրում:

«Արմենպրես»-ի հաղորդմամբ` նման որոշում կայացվել է ՄՕԿ-ի 144-րդ նստաշրջանի ժամանակ:

Այս օրերին Հունաստանում ընթանում է ՄՕԿ-ի վեհաժողովը, որի ընթացքում ընդունվում են մի շարք որոշումներ։ 

Քիչ ավելի ուշ կընտրվի նաև ՄՕԿ-ի նոր նախագահը: 

Բռնցքամարտը կմնա Օլիմպիական խաղերի ծրագրում, սակայն մրցումները կանցկացնի World Boxing-ը: Ավելի վաղ ՄՕԿ-ը անդամակցությունից զրկել էր Բռնցքամարտի միջազգային ֆեդերացիային` IBA-ին: 

2028 թվականի 34-րդ ամառային Օլիմպիական խաղերը կկայանան հուլիսի 14-30-ը: