«Նոա»-ի Զարգացման գծով տնօրենն ընտրվել է ՀՖՖ գործկոմի անդամ

«Նոա» ֆուտբոլային ակումբի Զարգացման գծով տնօրեն Աննա Օհանյանն ընտրվել է Հայաստանի ֆուտբոլի ֆեդերացիայի Գործատիր կոմիտեի անդամ:

«Արմենպրես»-ի հաղորդմամբ` այս մասին հայտնում է ՀՖՖ-ն: 

Մարտի 27-ին ՀՖՖ գրասենյակում կայացել է ՀՖՖ Գործադիր կոմիտեի հերթական նիստը:  Օրակարգի առաջին կետը եղել է ՀՖՖ Գործադիր կոմիտեի անդամի թափուր պաշտոնի համալրումը:   ՀՖՖ Գործադիր կոﬕտեի կազմում առաջացած թափուր պաշտոնը ՀՖՖ Գործկոմի անդամների քվեարկության արդյունքում զբաղեցրել է «Նոա» ֆուտբոլային ակումբի Զարգացման տնօրեն Աննա Օհանյանը: 

Համաձայն ՀՖՖ Կանոնադրության 37-րդ հոդվածի 5-րդ կետի՝ Աննա Օհանյանը կզբաղեցնի այդ պաշտոնը ﬕնչև ՀՖՖ հաջորդ հերթական Ժողովը, որտեղ տվյալ պաշտոնում կընտրվի փոխարինող` պաշտոնավարման ﬓացյալ ժամկետով։   

ՀՖՖ Գործադիր կոմիտեն իր միաձայն աջակցությունն է հայտնել ՀՖՖ նախագահ Արմեն Մելիքբեկյանի թեկնածությանը ՈւԵՖԱ Գործադիր կոմիտեի անդամի առաջիկա ընտրություններում:   

ՀՖՖ Գործադիր կոմիտեի անդամները քննարկումից հետո հաստատել են ՈւԵՖԱ Գործադիր կոմիտեի անդամի ընտրություններում ՀՖՖ պատվիրակության կողմից ընտրվելիք թեկնածուների անունները: