390.33
1 րոպեի ընթերցում
Իլոն Մասկի SpaceX ընկերության Starship տիեզերանավի արձակումը՝ Super Heavy կրող հրթիռով, ստեղծված դեպի Լուսին օդաչուով թռիչքներ իրականացնելու համար, ավարտվել է անհաջողությամբ։ «Արմենպրես»-ի փոխանցմամբ՝ այս մասին հայտնում է տիեզերանավը մշակող SpaceX ընկերությունը։
Մեկնարկից մոտավորապես 10 րոպե անց տիեզերանավի հետ կապը կորել է, տվյալների ստացումն ընդհատվել է։ Շարժիչի խափանման պատճառով տիեզերանավը սկսել է կորցնել բարձրությունը։
Super Heavy կրող հրթիռը տիեզերանավից անջատվելուց հետո հաջողությամբ հետ է իջել մեկնարկային կայան, որտեղ Mechazilla համակարգի մանիպուլյատոր-ձեռքերը բռնել են այն:
Մեկնարկը տեղի է ունեցել մարտի 6-ին, տեղական ժամանակով 18:34-ին (Երևանի ժամանակով մարտի 7-ին, ժամը 02:34-ին) SpaceX-ի Starbase արձակման հարթակից, որը գտնվում է Տեխասի հարավ-արևելքում։
Նախորդ արձակումը, որն իրականացվել էր հունվարի 17-ին, նույնպես անհաջողությամբ էր ավարտվել։ Հրթիռի երկրորդ աստիճանը չէր կարողացել դուրս գալ ուղեծիր։ Starship-ը պայթել էր կրող հրթիռից անջատվելուց հետո։