Ադրբեջանի դրոշը բեռնախցիկին մեքենան վարած անձը ներկայացվել է ոստիկանության բաժին

Հայաստանի ներքին գործերի նախարարությունն անդրադարձել է համացանցում տարածված տեսանյութին, որում երևում է, թե ինչպես է մի մեքենա երթևեկում՝ բեռնախցիկին Ադրբեջանի դրոշը։ 

«Արմենպրես»-ի փոխանցմամբ՝ ՆԳՆ մամուլի խոսնակ Նարեկ Սարգսյանը «Ֆեյսբուք»-ի իր էջում գրել է. 

«Համացանցում տեսանյութ է տարածվել, թե ինչպես է մի մեքենա երթևեկում ճանապարհին՝ բեռնախցիկին Ադրբեջանի դրոշ։

Տրանսպորտային միջոցը վարող անձի գործողություններում իրավախախտման հանգամանքները պարզելու և ըստ այդմ համապատասխան վարույթ նախաձեռնելու հարցը քննարկելու նպատակով՝ վարորդը տրանսպորտային միջոցով ներկայացվել է Համայնքային ոստիկանության Վաղարշապատի բաժին։

Կտրվի լրացուցիչ տեղեկատվություն»։