366.2
Եվրոպական խորհրդարանը հանձն է առել էլ ավելի խորացնել կապերը Հայաստանի հետ. Նիլս Ուշակովս
1 րոպեի ընթերցում
Անցած տարվա հունիսին կայացած ընտրությունների արդյունքներով ձևավորված Եվրոպական խորհրդարանը հանձն է առել էլ ավելի խորացնել կապերը Հայաստանի հետ՝ հաշվի առնելով նաև Խորհրդարանի նախորդ կազմի համագործակցության փորձը:
«Արմենպրես»-ի հաղորդմամբ՝ Հայաստանի խորհրդարանում ԵՄ-Հայաստան խորհրդարանական գործընկերության կոմիտեի 4-րդ նիստում այս մասին ասել է կոմիտեի համանախագահ Նիլս Ուշակովսը:
Նա նշեց, որ նախորդ խորհրդարանի շրջանակներում ԵՄ-Հայաստան խորհրդարանական գործընկերության կոմիտեի անդամ չի եղել, սակայն քաջատեղյակ է համագործակցության և արդյունքների մասին:
«Պատրաստ եմ շարունակել այս դրական աշխատանքը: Հուսով եմ, որ կարող եք տեսնել արդյունքները և տեսնել, որ այս Եվրոպական խորհրդարանը հանձն է առել էլ ավելի խորացնել կապերը Հայաստանի հետ: Սա հանձնառություն է, որ ունենք բոլոր քաղաքական խմբերով»,-ասաց Նիլս Ուշակովսը:
Բաժանորդագրվեք մեր ալիքին Telegram-ում