ՏՏ փորձագետը զգուշացրել է հեռախոսային խաբեության նոր մեթոդի մասին

Տեղեկատվական անվտանգության փորձագետ Սամվել Մարտիրոսյանը «Ֆեյսբուք»-ի իր էջում զգուշացրել է հեռախոսային խաբեության նոր մեթոդի մասին՝ կոչ անելով քաղաքացիներին զգոն լինել։

«Զանգում են ձեզ բջջային օպերատորի (այս պահին ռուսերեն է, բայց հաստատ հայ օպերատոր էլ կգտնեն հետո), առաջարկում են հղումով անցնել, իբր գրանցվել 5G. Զանգում են հայկական համարից (համարի տերը տեղյակ էլ չի, կեղծվում է զանգը)»,- «Արմենպրես»-ի հաղորդմամբ՝ գրել է Մարտիրոսյանը։ 

Սամվել Մարտիրոսյանը խորհուրդ է տալիս չհավատալ նման զանգերին և գործել հետևյալ կերպ․ անմիջապես անջատել զանգը, հետզանգ կատարել համարին՝ պարզելու, արդյոք այն իսկապես պատկանում է բջջային օպերատորին։