1 րոպեի ընթերցում
Պենտագոնը պատրաստ է տրամադրել բոլոր անհրաժեշտ ռեսուրսները, այդ թվում՝ լրացուցիչ զորքեր Մեքսիկայի հետ ԱՄՆ-ի սահմանի նկատմամբ վերահսկողությունը խստացնելու համար։
Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին հայտարարել է ԱՄՆ պաշտպանության նախարար Փիթ Հեգսեթը։
«Այն ամենը, ինչ անհրաժեշտ է սահմանին, կտրամադրվի»,- ասել է նա՝ պատասխանելով լրագրողների այն հարցին, թե արդյոք Պենտագոնը մտադի՞ր է լրացուցիչ զորքեր ուղարկել սահման։
ԱՄՆ վարչակազմն ավելի վաղ հայտարարել էր, որ Մեքսիկայի հետ սահմանի արևմտյան հատվածում տեղակայվելու են 1500 զինվորական, ուղղաթիռներ և ռազմական հետախուզական ստորաբաժանումներ։
Հունվարի 20-ին ԱՄՆ նախագահ Դոնալդ Թրամփը ստորագրել է գործադիր հրաման՝ ԱՄՆ-Մեքսիկա սահմանին արտակարգ դրություն հայտարարելու մասին։ Նա ասել է, որ դա թույլ կտա զորքեր ուղարկել հարավային սահման անօրինական միգրանտների՝ երկիր ներխուժման դեմ պայքարելու համար: Նախկինում նա բազմիցս հանդես է եկել միգրացիոն քաղաքականության խստացման օգտին։ Թրամփն ասել է, որ մտադիր է իրականացնել ամերիկյան պատմության մեջ անօրինական ներգաղթյալների դեմ արտաքսման ամենամեծ օպերացիան։