Թուրքիայի հյուրանոցներից մեկում բռնկված հրդեհից զոհերի թիվը հասել է 66֊ի

Թուրքիայի Բոլու նահանգի Քարթալքայա լեռնադահուկային հանգստավայրում գտնվող Grand Kartal հյուրանոցի հրդեհի հետևանքով զոհերի թիվն անցել է վեց տասնյակը։ 

Ինչպես հաղորդում է «Արմենպրես»֊ը, այս մասին հայտնում են թուրքական ԶԼՄ֊ները։ 

Թուրքիայի ներքին գործերի նախարար Ալի Երլիքայան հայտնել է, որ զոհերի թիվը հասել է 66֊ի, տուժածներինը՝ 51֊ի։

Նախնական տվյալներով՝ հրդեհը բռնկվել է տեղական ժամանակով ժամը 03:00-ի սահմաններում յոթհարկանի հյուրանոցի տանիքում և արագ ընդգրկել ամբողջ շենքը։