Եվրոպական երկրների դեսպանների հետ այցելում ենք Վայոց ձորի մարզ. Օլիվիե Դըկոտինյի

Հայաստանի Հանրապետությունում Ֆրանսիայի արտակարգ և լիազոր դեսպան Օլիվիե Դըկոտինյին հայտնել է, որ հունվարի 17-ին եվրոպական երկրների դեսպանների հետ այցելում է Վայոց ձորի մարզ։  

«Արմենպրես»-ի հաղորդմամբ՝ այս մասին ՀՀ-ում Ֆրանսիայի դեսպանը նշել է X-ի իր միկրոբլոգում կատարած գրառման մեջ։

«Այսօր եվրոպական երկրների դեսպանների հետ այցելում ենք Հայաստանի Վայոց ձորի մարզ․ համագործակցություն ԵՄ-ի և նրա անդամ պետությունների հետ, Հայաստանի ինքնիշխանություն և տարածքային ամբողջականություն, աջակցություն ԵՄ դիտորդական առաքելությանը»,-նշված է դեսպանի գրառման մեջ։ 

🇪🇺🇦🇲 Այսօր եվրոպական երկրների դեսպանների հետ միասին այցելում ենք Հայաստանի Վայոց ձորի մարզ։
➡️ Համագործակցություն ԵՄ-ի և նրա անդամ պետությունների հետ
➡️ Հայաստանի ինքնիշխանություն և տարածքային ամբողջականություն
➡️ Աջակցություն ԵՄ դիտորդական առաքելությանը pic.twitter.com/lyRfVllYBb

— Olivier Decottignies (@O_Decottignies) January 17, 2025