1 րոպեի ընթերցում
Հայաստանի շախմատի տղամարդկանց առաջնության 3-րդ տուրի պարտիաներն ավարտվել են ոչ-ոքի արդյունքով:
«Արմենպրես»-ի հաղորդմամբ` Տիգրան Պետրոսյանի անվան շախմատի տանը շարունակվում է Հայաստանի տղամարդկանց 85-րդ առաջնությունը:
Այս տուրում միավորը կիսեցին Բենիկ Ագասարով-Արթուր Դավթյան, Մամիկոն Ղարիբյան-Տիգրան Հարությունյան, Մանուէլ Պետրոսյան-Կարեն Գրիգորյան, Զավեն Անդրիասյան-Հովիկ Հայրապետյան, Սարգիս Սարգսյան-Ռոբերտ Հովհաննիսյան զույգերը:
Հայաստանի առաջնության առաջատարներն այս տուրից հետո 2-ական միավորով 4 շախմատիստներն են` Մամիկոն Ղարիբյանը, Ռոբերտ Հովհաննիսյանը, Զավեն Անդրիասյանը, Արթուր Դավթյանը:
Առաջնության 4-րդ տուրը կկայանա հունվարի 17-ին: Մրցաշարը կեզրափակվի հունվարի 22-ին: