ԱԺ նախագահ Սիմոնյանը ցավակցել է ավտովթարից զոհված պատգամավոր Մհեր Սահակյանի ընտանիքին և հարազատներին

ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: ՀՀ ԱԺ նախագահ Ալեն Սիմոնյանը ցավակցել է «Հայաստան» դաշինքի անդամ Մհեր Սահակյանի ընտանիքին և հարազատներին։ «Արմենպրես»-ի հաղորդմամբ՝ ԱԺ նախագահը ցավակցությունը հայտնել է «Տելեգրամ»-ի իր ալիքում։

«Մեծագույն ցավով տեղեկացա Ազգային Ժողովի պատգամավոր, «Հայաստան» դաշինքի անդամ, ՀՅԴ անդամ Մհեր Սահակյանի մահվան մասին: Անկեղծորեն խորին ցավակցությունս եմ հայտնում նրա ընտանիքին և հարազատներին:

Աստված թող հոգին լուսավորի»,- գրել է Ալեն Սիմոնյանը:

Հունվարի 13-ին՝ ժ․16․41-ի սահմաններում, ՆԳՆ ՓԾ 911 ծառայություն է զանգահարել մի քաղաքացի և հայտնել, որ Երևան-Մեղրի ճանապարհի 90-րդ կմ հատվածում՝ ձորում նկատել է շրջված վիճակում գտնվող ընկերոջ «Հոնդա» մեքենան։ Այս մասին «Ֆեյսբուք»-ի իր էջում գրել է ՀՀ ՆԳՆ մամուլի խոսնակ Նարեկ Սարգսյանը։ 

Դեպքի վայր են մեկնել ՆԳՆ ոստիկանության և փրկարար ծառայության աշխատակիցներ։

Ըստ նախնական տեղեկությունների՝ մեքենայում եղել է ՀՀ ԱԺ պատգամավոր Մհեր Սահակյանը, որը մահացել է