Երևանում տներից մեկում հրդեհ է բռնկվել

ԵՐԵՎԱՆ, 4 ՀՈՒՆՎԱՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոն հունվարի 4-ին ժամը 00:36-ին ահազանգ է ստացվել, որ Երևան քաղաքի Թախտաջյան փողոցի տներից մեկում հրդեհ է բռնկվել։

Ինչպես «Արմենպրես»-ը տեղեկանում է ՆԳՆ Փրկարար ծառայությունից, հրդեհից այրվել է տան ննջասենյակի (8 քմ) բաղդադե և լամինատե հատակը, մասնակի ջերմահարվել է գույքը, իսկ երկրորդ ննջասենյակում (12 քմ) ջերմահարվել են կախովի առաստաղը և գույքը։

Հրդեհը մեկուսացվել է ժամը 01։33-ին, մարվել՝ 02։19-ին։