368.59
ՆԳ նախարարն ընդունել է ՄԱԶԾ պատվիրակությանը
2 րոպեի ընթերցում
ԵՐԵՎԱՆ, 24 ԴԵԿՏԵՄԲԵՐԻ, ԱՐՄԵՆՊՐԵՍ։ ՆԳ նախարար Արփինե Սարգսյանն ընդունել է Հայաստանում ՄԱԿ-ի զարգացման ծրագրի մշտական ներկայացուցիչ Նաթիա Նացվլիշվիլիի գլխավորած պատվիրակությանը։ Ինչպես տեղելացնում է «Արմենպրես»-ը՝ այդ մասին հայտնել է ՆԳՆ հանրային հաղորդակցության և իրազեկման վարչությունը։
Նաթիա Նացվլիշվիլին նշանակման կապակցությամբ շնորհավորել է Արփինե Սարգսյանին և մաղթել հաջողություններ ՆԳ նախարարի պաշտոնում։ Նա ընդգծել է բազմաշերտ համագործակցության կարևորությունը և պատրաստակամություն հայտնել՝ ընդլայնելու գործընկերության ուղղությունները։
ՆԳ նախարարն իր հերթին շնորհակալություն է հայտնել ՄԱԿ-ի զարգացման ծրագրին՝ շեշտադրելով ոստիկանության ոլորտի բարեփոխումների շրջանակում երկկողմ արդյունավետ համագործակցությունը։
«Կողմերը կարևորել են համագործակցության շարունակակնությունն ու ոստիկանության և փրկարար ծառայության ոլորտներում նոր ծրագրերի իրականացումը՝ պատրաստակամություն հայտնելով ընդլայնել այդ ուղղություններով համագործակցության օրակարգը։ Անդրադարձ է կատարվել նաև միգրացիայի և քաղաքացիության զարգացման ծառայության ու փրկարար ծառայության ոլորտներում առկա փոխգործակցությանը։ Հատուկ անդրադարձ է կատարվել Լոռու և Տավուշի մարզերում դիմակայունության բարձրացման ուղղությամբ կարիքների գնահատմանը»,- ասված է ՆԳՆ հանրային հաղորդակցության և իրազեկման վարչության տարածած հաղորդագրության մեջ։
Բաժանորդագրվեք մեր ալիքին Telegram-ում