398.94
Մևլութ Չավուշօղլուն ՆԱՏՕ ԽՎ-ի շրջանակում ՀՀ ԱԺ պատգամավորների հետ խոսել է խաղաղության մասին. Անդրանիկ Քոչարյան
1 րոպեի ընթերցում
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայի արտաքին գործերի նախկին նախարար, Թուրքիայի խորհրդարանի պատգամավոր Մևլութ Չավուշօղլուն ՆԱՏՕ-ի խորհրդարանական վեհաժողովի շրջանակներում մոտեցել է հայկական պատվիրակության անդամներին ու խոսել Հարավային Կովկասի տարածաշրջանում խաղաղության հնարավորությունների մասին:
«Արմենպրես»-ի հաղորդմամբ՝ այս մասին լրագրողների հետ զրույցում ասաց ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը:
Հայկական պատվիրակությունը նոյեմբերի 22-25-ը ՆԱՏՕ ԽՎ-ին մասնակցել է որպես ասոցացված անդամ:
«Չավուշօղլուն մոտեցել է մեզ՝ ինձ, Արուսյակ Ջուլհակյանին և Վահագն Ալեքսանյանին և զրուց է ունեցել: Մենք չենք նախաձեռնել, ինքը եկավ, խոսում էր հենց խաղաղության, դրա հնարավորությունների մասին»,–ասաց Քոչարյանը՝ հավելելով, որ դա շատ լավ է:
Բաժանորդագրվեք մեր ալիքին Telegram-ում