Քաղաքականություն

Վուչիչը հայտարարել է, որ Սերբիայի նկատմամբ ԱՄՆ-ի պատժամիջոցները նրան չեն ստիպի գնալ Ռուսաստանի դեմ սահմանափակումների

2 րոպեի ընթերցում

Վուչիչը հայտարարել է, որ Սերբիայի նկատմամբ ԱՄՆ-ի պատժամիջոցները նրան չեն ստիպի գնալ Ռուսաստանի դեմ սահմանափակումների

ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ։ Սերբիայի նավթային արդյունաբերական ընկերության դեմ պատժամիջոցներ կիրառելու ԱՄՆ-ի որոշումը չի ազդի Բելգրադի՝ հակառուսական սահմանափակումներին միանալուց հրաժարվելու որոշման վրա։ Ինչպես տեղեկացնում է «Արմենպրես»-ը՝ վկայակոչելով «ՏԱՍՍ»-ը, այդ մասին հայտարարել է Սերբիայի նախագահ Ալեքսանդր Վուչիչը։

«Որևէ մեկը կցանկանա՞, որ մենք պատժամիջոցներ սահմանենք Մոսկվայի դեմ և հետո մտածենք ամերիկյան պատժամիջոցները չեղարկելու մասին: Ես չեմ բացառում այս հնարավորությունը, բայց չունեմ ապացույցներ: Որպես Սերբիայի նախագահ և Անվտանգության Ազգային խորհրդի նախագահ՝ այս պահին ես ընդհանրապես պատրաստ չեմ քննարկել Մոսկվայի դեմ հնարավոր պատժամիջոցները… Մենք գոյատևեցինք գրեթե երեք տարի՝ վարելով սկզբունքային, լուրջ և պատասխանատու քաղաքականություն, որում ի սկզբանե հանդես ենք եկել խաղաղության և միջազգային իրավունքի սկզբունքներին հավատարիմ մնալով, հարգել ենք ՄԱԿ-ի կանոնադրությունը և չենք պարտադրել պատժամիջոցներ Ռուսաստանի Դաշնության դեմ»,- ասել է Վուչիչը։

Ավելի վաղ Վուչիչը հայտարարել էր, որ ԱՄՆ-ն պատժամիջոցներ է կիրառում Սերբիայի նավթային արդյունաբերական ընկերության դեմ՝ ձեռնարկության ռուսական սեփականության պատճառով, ինչը երկրի համար ամենածանր նորությունն է վերջին մի քանի տարիների ընթացքում։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում