1 րոպեի ընթերցում
ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Գերմանիայի ֆուտբոլի Սուպերգավաթը այսուհետ կկրի համաշխարհային ֆուտբոլի լեգենդ Ֆրանց Բեկենբաուերի անունը:
«Արմենպրես»-ի հաղորդմամբ` այս մասին գրում են գերմանական ԶԼՄ-ները: 2025 թվականից սկսած Գերմանիայի Սուպերգավաթը կկոչվի Ֆրանց Բեկենբաուերի անվամբ:
Ֆրանց Բեկենբաուերը գերմանական ֆուտբոլի լեգենդ է: Գերմանիայի Ֆեդերատիվ Հանրապետություն ֆուտբոլի ընտրանու կազմում դարձել է աշխարհի և Եվրոպայի չեմպիոն: Նա «Ոսկե գնդակ»-ի դափնեկիր է, բազմիցս դարձել է Գերմանիայի տարվա լավագույն ֆուտբոլիստ: